رحلة إلى غرفة التحكم - فودافون مصر
Mina Mamdouh at Vodafone HQVodafone HQ

رحلة إلى غرفة التحكم

امبارح كنت من محظوظ اني احضر افينت في فودافون مصر بمناسبه إن صفحتهم على الفسبوك وصلت 2 مليون مستخدم وهي اكبر صفحه لشركة موبيل في افرقيا واوروبا وامريكا. والتالته على مستوى العالم بعد شركتين في الهند (سوق مستخدمين المحمول في الهند = 10 اضعاف سوق مصر) .

  اليوم بدأ بكلمة ل حاتم دويدار المدير التنفيذي للشركه الرجل اللي ابهرني إن عمره لايتجاوز ال 45 سنه وواصل لمنصب زي ده بعد ماكان أصلا ماسك فودافون مالطه لمده بردو. عجبني جدا إن كل الناس بتقوله يا حاتم مش يا مستر حاتم !.

 بعدين اتكلم معانا مدير خدمه العملأ (مش فاكر اسمه) ده كان راجل لذيذ قعد يحكيلنا على ذكريات خدمة العملا من أول ماالشركه اشتغلت في 1998 وطبعا أنتم عارفين طرائف خدمة العملاكمان كل اقسام الشركه عملوا برزنتيشن عن كل قسم ابتدادينا بـالشبكات وعرفنا المكالمة بتحصل إزاي ! وحجم المكالمات اللي بتحصل وإن الشركه بتنقل 200 تيرا بايت داتا يوميا.

2 milion fan of Vodafone Egypt  FB page

 كمان برزنتشن عن VIS وهي باختصار ال CALL CENTERS اللي بتخدم دول تانية ولغات تانية زي VODAFONE UK وفي كمان اسبانيا ورومانيا وألمانيا والمفروض إن الجزء ده مهم لأنه بيشغل أي حد لمجرد انه معاه لغه كويسه فـبيشغل طلبه جامعه كتير قوي .

 وكمان كان في برزنتشن عن المسئولية الإجتماعيه للشركه ودي حاجة موجوده في كل الشركات الكبيره وهي مؤسسة فودافون للتنمية واللي بتعمل مشروع العلم قوة مع مؤسسه صناع الحياه.بعدين بقى اخدنا جولة كده في الشركه: الأول روحنا VIS اللي هو خدمة العملا للبلاد واللغات التانية وأكتر حاجه عجبتني انهم بيحاولوا يخلو شكل المكان شبه البلد اللي بيخدموها ويحطوا اعلامها في كل مكان ويتبعوا اخبارها وكده.

 بعدين بقى روحنا لاهم مكان في الشركه واللي عشانه أنا كاتب الكلام ده :)مركز تحكم الشبكه وهو القسم اللي يقدر يتبع ويتحكم في كل السنترالات وابراج التقويه ال في مصر .تدخل تلاقي مكان هادي جدا متوسط اعمار اللي بيشتغلوا اكبر من ال 30 سنه على عكس كل اللي فات كلهم طبعا مهندسين وبين على شكلهم كده قدامهم شاشه ضخمه جدا مساحتها حوالي 10×3  متر نصها تقريبا خريطه مصر كلها وأول ماأي شبكة تقوية أو برج أو أي حاجه في الشبكه يحصله أي مشكلة يظهر انذار على الشاشة وتقدر تعمل زوم وتشوف نوع العطل والمنطقه بالضبط باقي الشاشه هي احصائيات كتير عن الشبكه دلوقتي زي عدد المحطات اللي شغله ونوعها 2g ولا 3g كمان نوع الأبراج المستخدمه وهم بيستخدموا نوعين هواوي واركسوناللي عجبني كمان إن في شاشه كده على جمب مشغلين عليها الأخبار دايما عشان يبقوا عارفين أي مشاكل بتحصل في البلد وإزاي يحواولو يعالجوها بسرعهالجدير بالذكر بقى المكان ده مش أي حد يقدر يدخله ومدير الشركه نفسه مش بيقدر يدخله بسهوله !!

 في الاخر بقى اخدنا شهادات شكر اننا اهم مستخدمين لصفحة الفسيبك بتاعتهم انتهى الكلام , سلام

 

 

  Clef two-factor authentication